సంతోష్‌ సింగ్‌ దర్శకత్వం వహించిన ఈ రెండవ సీజన్‌లో అరుణోదయ్‌ సింగ్‌, నిధి సింగ్‌, సనంద్‌ వర్మ మరియ స్నేహిల్‌ దీక్షిత్‌ మెహ్రా అత్యంత కీలకమైన పాత్రలను పోషించారు. ఈ సీజన్‌ను తొలిసారిగా 18 మార్చి 2022 శుక్రవారం తొలిసారిగా ప్రదర్శించారు.
హైదరాబాద్ : అసాధారణ కంటెంట్‌ మరియు విభిన్నమైన శైలిల వ్యాప్యంగా వైవిధ్యమైన షోలతో కూడిన లైబ్రరీ కలిగిన వూట్‌ సెలెక్ట్‌ , తిరుగులేని రీతిలో అత్యంత వేగంగా వృద్ధి చెందుతున్న ఓటీటీ ప్లాట్‌ఫామ్‌గా ఇండియాలో నిలిచింది. తమ అత్యద్భుతమైన షోల భాండాగారానికి మరో షోను జోడిస్తూ తమ ప్లాట్‌ఫామ్‌పై ఎక్కువ మంది అత్యంత ఆసక్తిగా ఎదురుచూస్తోన్న షోలలో ఒకటిగా నిలిచిన 'అప్‌హరణ్‌ 2` రెండవ సీజన్‌ను ఇది తీసుకువచ్చింది. యాక్షన్‌ థ్రిల్లర్‌ గుణాత్మకతను నూతన శిఖరాలకు తీసుకువెళ్తూ అపహరణ్‌ 2 సబ్కా కాటేగా దోబారా ను ఏక్తా ఆర్‌ కపూర్‌ మరియు జియో స్టూడియోస్‌ భాగస్వామ్యంతో తీర్చిదిద్దారు. ఈ సీజన్‌లో అసాధారణ నటీనటుల బృందం కనిపించింది. వీరిలో అరుణోదయ్‌ సింగ్‌, నిధి సింగ్‌, సెంథిల్‌ దీక్షిత్‌ మెహరా, సానంద్‌ వర్మ మరియు సుఖ్‌మణి సాదన తో పాటుగా లెజండరీ నటుడు జీతేంద్ర కపూర్‌ కూడా ఉన్నారు. పదకొండు ఎపిసోడ్లు గా ప్రసారం కానున్న ఈ సీజన్‌ను తొలిసారిగా శుక్రవారం 18 మార్చి 2022 న వూట్‌ సెలెక్ట్‌ పై మాత్రమే ప్రసారం చేయనున్నారు.
వెన్నులో వణుకుపుట్టించే రీతిలో సిద్ధార్ధ్‌ సేన్‌గుప్తా, ఉమేష్‌ పదాల్కర్‌ , అనంత్‌ మీనన్‌ రాసిన కథకు సంతోష్‌ సింగ్‌ దర్శకత్వం వహించారు. అపహరణ్‌ 2 ఓ శక్తివంతమైన ఎంటర్‌టైనర్‌గా ఉర్రూతలూగించే రెట్రో మ్యూజిక్ తో పాటుగా సస్పెన్స్‌, డ్రామా జోడించబడి వీక్షకులను ఊపిరిబిగపట్టి స్ర్కీన్‌లకు అతుక్కుపోయేలా చేస్తుంది. మరోమారు ఇండియా మరియు సెర్బియా బ్యాక్‌డ్రాప్‌లో తీర్చిదిద్దబడిన ఈ షోలో ధైర్యవంతమైన, సాహసోపేతమైన పోలీస్‌ రుద్ర (అరుణోదయ్‌ సింగ్‌ చేశారు) మరోమారు కిడ్నాప్‌కు సంబంధించిన కథతో వచ్చారు. ఇది ఊహాతీత మలుపులతో సాగుతుంది. భారతదేశంలో ఎక్కువగా వేడుక చేయబడిన పోలీస్‌ , ప్రపంచ పటం నుంచి భారతదేశాన్ని తీసివేయాలని కలలు గనే తెలివైన క్రిమినల్‌ బిక్రమ్‌ బహుదూర్‌ షాను కిడ్నాప్‌ చేయడానికి మరోమారు భయంకరమైన ప్రయాణం ప్రారంభిస్తాడు. ఈ షో మొదటి సీజన్‌ గగుర్పాటు కలిగించే అనుభవాలను వీక్షకులకు అందించడం ద్వారా విజయవంతమైంది. అత్యంత ఆసక్తిగా ఎదురుచూస్తున్న ఈ సీక్వెల్‌ అంతకు మించిన వినోదం అందిస్తామనే వాగ్ధానం చేయడం మాత్రమే కాదు విభిన్నమైన భావోద్వేగాలతో ఆహ్లాదకరమైన సవారీని చేయిస్తుంది. లోతైన డ్రామా, ప్రేమ మరియు అభిరుచి మొదలు హాస్యం, ఆవేశం మరియు విరహం... ఇలా అన్ని భావాలనూ ప్రదర్శిస్తుంది. ఈ ట్రైలర్‌ ఇప్పటికే లక్షలాది మందిని ఆకట్టుకుంది. వీరంతా కూడా ఈ సీజన్‌లో కథ ఏమిట తెలుసుకోవడానికి అమితాసక్తిని కనబరుస్తున్నారు.
ఈ షో గురించి ఏక్తా ఆర్‌ కపూర్‌ మాట్లాడుతూ 'జియో స్టూడియోస్‌ మరియు వూట్‌ సెలెక్ట్‌తో నాకు ఇది తొలి భాగస్వామ్య ప్రాజెక్ట్‌. సంప్రదాయేతర షో లాంటి అపహరణ్‌ కోసం వారితో చేతులు కలపడం పట్ల సంతోషంగా ఉన్నాను. మొదటి సీజన్‌లో ప్రేక్షకుల నుంచి అపూర్వమైన స్పందన అందుకున్న తరువాత ప్రధాన స్రవంతి యాక్షన్‌ థ్రల్లర్‌ జానర్‌ కు దూరంగా సీజన్‌ 2తో వారిని ఆశ్చర్యానికి గురిచేయడం అర్థవంతమైనది. గతంలో ఎన్నడూ చూడని మలుపులతో , ఈ సీక్వెల్‌ ఖచ్చితంగా ఎంతోమందిని ఆకట్టుకోనుంది. మరి సిద్ధంగా ఉండండి ఉ క్యుంకీ సబ్కా కటేగా దోబారా !` అని అన్నారు
ఫెర్జాద్‌ పాలియా, హెడ్‌, ఎస్‌వీఓడీ (వూట్‌ సెలెక్ట్‌, వూట్‌ కిడ్స్‌) అండ్‌ ఇంటర్నేషనల్‌ బిజినెస్ వయాకామ్‌ 18 మాట్లాడుతూ 'ప్రారంభించిన నాటి నుంచి వూట్‌ సెలెక్ట్‌ , వివేకవంతులైన వీక్షకులను ఆకట్టుకుంటూనే ముందుకు సాగుతుంది. మా విస్తృత శ్రేణి కంటెంట్‌ లైబ్రరీతో, మేము అద్వితీయయైన అనుభవాలను సృష్టించడంతో పాటుగా మా ఆఫరింగ్స్‌ను సైతం బలోపేతం చేసుకుంటున్నాము. జియో స్టూడియోస్‌ మరియు ఏక్తాతో అప్‌హరణ్‌ 2 కోసం భాగస్వామ్యం చేసుకోవడం పట్ల సంతోషంగా ఉన్నాము. ఇది మా కంటెంట్‌ భాండాగారానికి సరికొత్త సొబగులద్దనుంది మరియు ప్రేక్షకులకు అద్వితీయమైన వినోదాన్ని సైతం అందించనుంది` అని అన్నారు.
నటుడు అరుణోదయ్‌ సింగ్‌ మాట్లాడుతూ 'అప్‌హరణ్‌ 2 ట్రైలర్‌కు వీక్షకుల నుంచి అపూర్వ స్పందన లభించింది. సీక్వెల్‌ పట్ల అమితాసక్తి కనబడింది. కానీ ఇక ఈ నిరీక్షణ ఎంతో కాలం ఉండదు. రుద్ర శ్రీవాస్తవగా ఈ షోలో క్యారెక్టర్‌ చేయడం నాకు మరుపురాని అనుభవాన్ని అందించింది. ఈ షోలో చేసిన తారాగణం మొత్తం పూర్తిగా షోలో మమేకమై చేశారు. ఈ షోలో క్యారెక్టర్‌లలో మేము పరకాయ ప్రవేశం చేశాము. ఈ షో మిమ్మల్ని మీ సీటుకు కట్టిపడేస్తుందని మాత్రం చెప్పగలను. మీరంతా కూడా ఈ షోను అమితంగా ఇష్టపడతారని ఆశిస్తున్నాను` అని అన్నారు.
ఇంకెందుకు ఆలస్యం, అప్‌హరణ్‌ 2 -సబ్కా కాటెగా దోబారా ప్రీమియర్‌ మార్చి 18, 2022న ప్రత్యేకంగా వూట్‌ సెలక్ట్‌పై వీక్షించడానికి సిద్ధమైపోండి.
