- షేర్ల పతనంతో రూ.7800 కోట్ల నష్టం
ముంబయి : ప్రముఖ ఫుడ్‌ డెలివరీ యాప్‌ జొమాటో ఇటీవల కిరాణా డెలివరీ స్టార్టప్‌ బ్లింకిట్‌ను కొనుగోలు చేయడం ఇన్వెస్టర్లకు రుచించలేదు. ఈ ఒప్పందంతో వరుసగా రెండు రోజుల్లో జొమాటో షేర్‌ 14 శాతం పైగా పతనమయ్యింది. దీంతో జొమాటో మార్కెట్‌ కాపిటలైజేషన్‌ దాదాపుగా రూ.7800 కోట్లు (బిలియన్‌ డాలర్లు) పతనమయ్యింది. బ్లింకిట్‌ను రూ.4,447 కోట్లకు స్వాధీనం చేసుకున్నట్లు శుక్రవారం జొమాటో ప్రకటించిన విషయం తెలిసిందే. మంగళవారం సెషన్‌లో జొమాటో షేర్‌ విలువ 8.05 శాతం పతనమై రూ.60.55 వద్ద ముగిసింది.
మీ స్నేహితులకు రికమెండ్ చెయ్యండి
