Sun 04 Jul 07:32:46.048743 2021
కళ్ళు బైర్లు కమ్ముతున్నాయి
గాలాడ్తలేదు
అంతా చీకటి
నిన్నటిదాకా నా అనుకున్న బంధాలన్నీ
పాతాళంలో దాక్కున్నాయి
ప్రాణానికి యముడికి మధ్య కురుక్షేత్రం
నోట్ల కట్టలకు శ్వాసకు తులాభారం
శ్వాసది పైచూపు
నోట్ల కట్టలది నేల చూపు
మాయరోగం మంటలు గక్కుతుంది
మనుషులు భూమ్మీద నూకలు
లెక్కపెట్టుకుంటుండ్రు
పోయే పానం పోతుంది
నిలిచే ఊపిరి నిలదొక్కుకుంటుంది
కొందరు మాత్రం ఆయుష్షును
సప్త సముద్రాలవతల
దాసుకొచ్చుకున్నమని విర్రవీగుతూ
శవాల మీది చిల్లర పోగేసుకుంటుండ్రు
బతుకుపోరాటం ఒకరిది
కాసుల ఆరాటం ఇంకొకరిది
వెర్రి ప్రజలు ఖరీదైన వైద్యానికి
పరుగులు పెడుతూనే ఉన్నరు
ఇకనైనా చీకట్ల బాణాలనేసుడు ఆపి
ఊరి ఊరికో దవాఖాన
మీ పిల్లలే వైద్యనారాయణులు
గట్టి కలను కనండి
ప్రణాళికలు సిద్ధం చేయండి
ఇవ్వాళ కరోనా
రేపు మరొకటి
ఇప్పటికైనా మేల్కొందాం పదండి
- ఉప్పల పద్మ
9959126682 & 8340933244
మీ స్నేహితులకు రికమెండ్ చెయ్యండి
