Sun 11 Jul 07:16:50.429472 2021
మానవారాధన ముందు
మళ్ళీ దైవారాధన
వెనక్కి మళ్ళింది
చట్టం న్యాయం ధర్మం
ఇప్పుడున్నీ
తలదించుకున్నాయిగా
అసలు రాజ్యకేతనమే
నేడు సిగ్గుతో నైతిక
అవనతం అయింది
సంకల్పమే కాదు
సుస్థిర క్రియాశీలతకు
సరికేతమై
సమున్నతంగా
నిలిచావు మరి...
పడిపోకుండా
నిలబడటం
నిలబడి నిలకడగా
పని చేయడం
నీ వల్లే తెలిసింది
ఎక్కడ పుట్టావు?
ఎక్కడ పెరిగావు?
ఏమి చేశావు?
ఎలా బ్రతికావు?
సంకుచితాలు
సరిహద్దుల్లేని
సమాధానమే
నువ్వు కదా...
మనోబలానికి
వయసు అడ్డం కాదని
నవ్వుతూనే చెప్పావు
ఊగిసలాటలు వద్దు
ఉద్యమమే ముద్దు
ఇదేగా మాకిచ్చిన
జీవన సందేశం
చూస్తావుగా..
నీ బాటలో
నవ్వుతూ నడుస్తాం..
(స్టాన్‌స్వామికి శ్రద్ధాంజలి ఘటిస్తూ...)
- కె.శాంతారావు
సెల్: 99597 45723
మీ స్నేహితులకు రికమెండ్ చెయ్యండి
