Mon 27 Jun 04:38:27.853438 2022
కదులుతున్న సైకిల్‌ చక్రంలా
గిరగిరా గిరగిరా తిరుగుతోంది
వాళ్ళ జీవన చక్రం
ఆకలి పోటుతో, ఆహారపు వేటలో...
రేపటి పౌరులువ్వాల్సిన బాలలు
డొక్క చేస్తున్న చప్పుడుకు తట్టుకోలేక
కొట్టుమిట్టాడుతూ కొట్టుమిట్టాడుతూ
అడుక్కుంటున్నారు రోడ్ల మీద
పది మెతుకులు దోసిట్లో పడితే చాలు
పరమాన్నంలా పంచుకొని తింటూ
ఆ రోజుకు ఆ పిడికెడు పొట్టను
నిద్రపుచ్చుకుంటున్నారు కొంతైనా
ఎన్ని తరాలు మారినా
మారట్లేదీ దేశం తలరాత
ఫ్లాటినం ఉత్సవాలను జరుపుకున్నా
ఈ స్వరాజ్యమింకా ఆకలి రాజ్యమే!
- కార్తీక రాజు, 8977336447
మీ స్నేహితులకు రికమెండ్ చెయ్యండి
