Sun 25 Dec 01:01:10.497406 2022
మబ్బుల్ని ఎవరో మూటగట్టి
మీదికి ఇసురుతున్నట్లు
నీడను వెంబడించి
నెట్టింట్లోకి నెట్టేస్తున్నట్లు
కాలికింద రేణువులను
డాలర్లలో కొనేస్తున్నట్లు
ఎదను అగాధంలోకి
బలవంతంగా లాగుతున్నట్లు
నిలుచుందామంటే
చేతులు నేలపై ఆనుతున్నట్లు
నడుద్దామంటే
కాళ్ళు ఆకాశాన్ని ముద్ధాడుతున్నట్లు
ఆలోచనల్ని ఆఫ్‌ చేసి
అంతర్జాలంలో హ్యాక్‌ చేసినట్లు
మనసు మాటలను
ఇన్బాక్స్‌ లో స్టోర్‌ చేసి
ఇన్‌ స్టాగ్రామ్‌ కి ఫార్వర్డ్‌ చేస్తున్నట్లు
అనుమానమనే వైరసేదో
ఊపిరిని స్విచ్‌ ఆఫ్‌ చేస్తున్నట్లు
వైరస్‌ ను స్మాష్‌ చేసే
ఫార్మాట్‌ ను అప్డేట్‌ చేసి
బాడీలోకి ఇన్స్టాల్‌ చేసుకుందాం..!!
- ముక్కాముల జానకీరామ్‌
6305393291
మీ స్నేహితులకు రికమెండ్ చెయ్యండి
