నవతెలంగాణ-ఖమ్మం( రూరల్‌)
ప్రజలు ఎదుర్కొంటున్న ప్రజా సమస్యలపై పోరాటాలు చేయడమే అమరవీరులకు కల్పించే ఘనమైన నివాళి అని సిపిఎం ఖమ్మం రూరల్‌ మండలం పార్టీ కార్యదర్శులకు సభ్యులు పెరుమాళ్ళ పల్లి మోహన్‌ రావు అన్నారు. మండల పరిధిలోని ఆరెంపుల గ్రామంలో గ్రామ శాఖ ఆధ్వర్యంలో గురువారం పెరుమాళ్ళ పల్లి ఇసాక్‌ 23వ వర్ధంతి సభ శాఖ కార్యదర్శి వల్లూరు సీతారామరెడ్డి అధ్యక్షతన జరిగింది. ఈ సమావేశంలో పెరుమాళ్ళ పల్లి మోహన్‌ రావు మాట్లాడుతూ ఇసాక్‌ వీర తెలంగాణ సాయుధ రైతాంగ పోరాటంలో గంగవరపు శ్రీనివాసరావు దళంలో పనిచేశారని అన్నారు. 1988 నుండి 1995 వరకు ఆరెంపుల గ్రామం పంచాయతీ సర్పంచిగా బాధ్యతలు నిర్వహించారని ఆ సందర్భంలో జరిగిన వ్యవసాయ కార్మికుల వరి కోతల ధాన్యం పెంపుదలకు జరిగిన పోరాటంలో ప్రముఖ పాత్ర నిర్వహించారని అన్నారు. ఆ సందర్భంలో జరిగిన కేసులో జైలుకు వెళ్లారని అన్నారని గుర్తు చేశారు. ఈ కార్యక్రమంలో పార్టీ సీనియర్‌ సభ్యులు కల్లూరు లక్ష్మయ్య ఇసాక్‌ చిత్రపటానికి పూలమాలవేసి నివాళులర్పించారు. ఈ సభలో పార్టీ నాయకులు బండి ప్రకాష్‌ రావు, వల్లబి మోహన్‌ రావు, చిర్రాలాలు పెరుమాళ్ళ పల్లి రవికుమార్‌, గుండె తిరపయ్య, పి.గోపి, ప్రేమ దాస్‌, ప్రభాకర్‌, జయమ్మ, కళావతి, కాంగ్రెస్‌ జిల్లా నాయకులు మందడి ఇజ్రాయెల్‌ తదితరులు పాల్గొన్నారు.
