నవతెలంగాణ-కూసుమంచి
మండల కేంద్రంలో గురువారం జరిగిన తెలంగాణ రాష్ట్ర ఐక్య ఉపాధ్యాయ ఫెడరేషన్‌ మండల మహాసభలలో నూతన కమిటీని ఎన్నుకోవడం జరిగింది. సీనియర్‌ కార్యకర్త ఇ.వెంకటనర్సయ్య పతాకావిష్కరణ చేసి మహాసభలను ప్రారంభించారు. ప్రారంభానికి ముందుగా అమరజీవి నాగటినారాయణకి మహాసభ ఘనంగా నివాళి ఘటించింది. టీఎస్‌ యుటిఎఫ్‌ జిల్లా అధ్యక్షులు జి.వి.నాగమల్లేశ్వర రావు, జిల్లా కార్యదర్శులు మండవ.నర్సయ్య, పినపాక.సురేష్‌ హాజరయ్యారు.నూతన కమిటీ అధ్యక్షులుగా డి.రవికిరణ్‌, ప్రధానకార్యదర్శిగా పి కృష్ణారావు, ఉపాధ్యక్షులుగా ఎస్‌ శ్రీనివాసరాజు మరియు పి.విజయలక్ష్మి, కోశాధికారిగా పి.కృష్ణ, ఆడిటర్‌గా ఎం.శ్రీనివాసరావు, కార్యదర్శులుగా బి.బాబురావు, ఎన్‌.నరసింహారావు, ఎం.ఉపేంద్ర, ఈ.విజయలక్ష్మి, ఎల్‌.వీరబాబు, ఎస్‌.కె.జమీల్‌ పాషా ఏకగ్రీవంగా ఎన్నికయ్యారు. ఎన్నికల అధికారిగా సిహెచ్‌.సుభాషిణి వ్యవహరించారు. ఈ మహాసభలో సీనియర్‌ కార్యకర్తలు ఎం.రాణి, ఆర్‌.విక్రం రెడ్డి, ఏ.శ్రీనివాసరావు, మధుసూదన్‌ రావు, నేతాజీ, శ్రీదేవి తదితరులు పాల్గొన్నారు.
