హైదరాబాద్ : బ్రిటన్ ప్రధానిగా భారత సంతతికి చెందిన రిషి సునాక్ బాధ్యతలు చేపట్టిన సంగతి తెలిసిందే. ఈ నేపథ్యంలో రిషి సునాక్ కు, భారత మాజీ క్రికెటర్ ఆశిష్ నెహ్రాకు ఉన్న పోలికలను ఉదహరిస్తూ కొన్ని పోస్టులు సోషల్ మీడియాలో షేర్ అవుతున్నాయి. అందులోభాగంగా ప్రముఖ వ్యాపారవేత్త హర్ష్ గోయెంకా  ఓ ఫన్నీ ఐడియాను షేర్ చేసుకున్నారు. ఈ మేరకు ఆయన ట్వీట్ చేశారు.
           కోహినూర్‌ను తిరిగి భారత్‌కు తీసుకువచ్చేందుకు తన స్నేహితుడు ఒక ఐడియా చేప్పాడన్నారు.
రిషి సునాక్‌ను భారత్‌కు ఆహ్వానించాలని.. తర్వాత ఆయన తన అత్తమామలను కలిసేందుకు బెంగళూరు ట్రాఫిక్‌లో ఉండగా కిడ్నాప్ చేయాలని చెప్పారు. ఆ తర్వాత రిషి స్థానంలో ఆశిష్ నెహ్రాను యూకే ప్రధానిగా పంపాలన్నారు. అలా చేసినా ఎవరూ గుర్తు పట్టలేరని చెప్పారు. అనంతరం కోహినూర్‌ను భారత్‌కు తిరిగిచ్చే బిల్లును పాస్ చేయించాలని నెహ్రాకు చెప్పాలని పేర్కొన్నారు. ఇది చూసిన నెటిజన్లు ఫన్నీ ఐడియా అంటూ కామెంట్లు చేస్తున్నారు.