ముంబై : కారులో వేరే అమ్మాయితో భార్యకు సన్నిహితంగా కనిపించిన ఓ సినీ నిర్మాత.. ఆ వెంటనే భార్యని కారుతో తొక్కించి చంపేందుకు యత్నించాడు. ఈ ఘటన ముంబైలో వెలుగు చూసింది. అందుకు సంబంధించిన వీడియో వైరలవుతోంది.
         వివరాల్లోకెళ్తే.. ఈ నెల 19న నిర్మాత కమల్ కిషోర్ మిశ్రా ఇంట్లో కనిపించకపోవటంతో అతని భార్య అతన్ని వెతుక్కుంటూ కారు పార్కింగ్‌ దగ్గరకు వెళ్లింది. అక్కడ కారులో కమల్ కిషోర్ మరో మహిళతో సన్నిహితంగా ఉండటాన్ని భార్య గమనించింది. వెంటనే కోపంతో భర్తను కారు నుంచి బయటకు రావాలంటూ అరిచింది. దాంతో కంగారు పడ్డ కిషోర్ పారిపోవాలనుకున్నాడు. ఈ మేరకు కారుని స్టార్ట్ చేసి ముందుకు పోనిచ్చాడు. ఈ క్రమంలో అతని భార్యను ఢీకొట్టాడు. అయితే ఆమె కింద పడినా కూడా అతను పట్టించుకోకుండా భార్య కాళ్ల మీద నుంచి కారుని పోనిచ్చాడు. అయితే దగ్గరలోని మరో వ్యక్తి వచ్చి ఆమెను బయటకు లాగి కాపాడాడు. ఈ ఘటనలో మహిళ తలకు, కాళ్లకు గాయాలయ్యాయి. భర్త తనను కారుతో తొక్కించి చంపడానికి ప్రయత్నించాడని ఆమె అంబోలి పోలీస్ స్టేషన్‌లో పిర్యాదు చేసింది. ఈ మేరకు కేసు నమోదు చేసుకెఉన్న పోలీసులు దర్యాప్తు చేస్తున్నారు. సీసీటీవీ ఫుటేజీలో కమల్ మిశ్రా తన భార్యపై కారును ఎలా ఢీకొట్టాడనేది తెలుస్తోంది.