హైదరాబాద్ : తెలంగాణ ఎంసెట్-2022 స్పాట్ అడ్మిషన్‌ షెడ్యూల్‌ను ఉన్నత విద్యామండలి విడుదల చేసింది. ప్రయివేటు కాలేజీల్లో సీట్లు పొందాలనుకుంటున్న విద్యార్థులు అధికారిక వెబ్ సైట్లలో దరఖాస్తు చేసుకోవాలని సూచించింది. ఈ నెల 31న ఇంటర్నల్ స్లైడింగ్ నిర్వహించనున్నట్టు ఇంటర్నల్ స్లైడింగ్ తెలిపింది. ఖాళీగా ఉన్న సీట్లను ముందుగా ఇంటర్నల్ స్లైడింగ్ లో దరఖాస్తు చేసుకున్న విద్యార్థులకు కేటాయిస్తారు. ఆ తర్వాత మిగిలిన సీట్ల భర్తీ కోసం వచ్చే నెల 3 వరకు స్పాట్ అడ్మిషన్ల ప్రక్రియ నిర్వహిస్తారు. ఇంజనీరింగ్ కోర్సులో రాష్ట్రంలోని వివిధ కాలేజీల్లో మొత్తం 79,346 సీట్లు ఉండగా అందులో 15,447 సీట్లు మిగిలిపోయాయని ఉన్నత విద్యామండలి వెల్లడించింది.
          స్పాట్ అడ్మిషన్ల వెరిఫికేషన్ కోసం అభ్యర్ధులు అన్ని ఒరిజినల్ సర్టిఫికెట్లను వెంట తీసుకెళ్లాలని అధికార వర్గాలు తెలిపాయి. ఒరిజినల్ సర్టిఫికెట్లు లేకుండా వచ్చిన విద్యార్థులను స్పాట్ అడ్మిషన్ కు అనుమతించబోమని అధికారులు తెలిపారు. అడ్మిషన్ ప్రక్రియలో భాగంగా విద్యార్థుల నుంచి ఒరిజినల్ సర్టిఫికెట్లను పరీశీలన కోసం తీసుకుంటామని, ఆ తర్వాత విద్యార్థి చేరిన కాలేజీకి పంపిస్తామని చెప్పారు.