హైదరాబాద్: తెలుగుదేశం పార్టీ సీనియర్ నేత చింతకాయల అన్నపాత్రుడిని పోలీసులు ఈ తెల్లవారుజామున అరెస్ట్ చేశారు. అంతకుముందు నర్సీపట్నంలోని ఆయన ఇంటిని సీఐడీ పోలీసులు చుట్టుముట్టారు. అనంతరం అయ్యన్నకు నోటీసులు ఇచ్చి అరెస్ట్ చేశారు. ఆయన కుమారుడు రాజేశ్‌ను అదుపులోకి తీసుకున్నారు. ఇటీవల అయ్యన్న ఇంటి గోడ కూల్చివేతకు సంబంధించిన అంశంలో అయ్యన్న ఫోర్జరీ పత్రాలు సమర్పించారన్న ఆరోపణలున్నాయి. దీంతో ఆయనపై నాన్ బెయిలబుల్ కేసులు నమోదు చేసిన పోలీసులు ఈ తెల్లవారుజామున ఆయన ఇంటికి చేరుకుని నోటీసులు అందజేసి అరెస్ట్ చేశారు. ఏలూరు కోర్టులో ఆయనను హాజరుపరచనున్నట్టు పోలీసులు తెలిపారు.
మీ స్నేహితులకు రికమెండ్ చెయ్యండి
