హైదరాబాద్: పీజీ వైద్య విద్య యాజమాన్య కోటా సీట్లకు వెబ్‌ కౌన్సెలింగ్‌ నిర్వహిస్తున్నట్లు కాళోజీ హెల్త్‌ యూనివర్సిటీ తెలిపింది. ఈ మేరకు ఆదివారం వర్సిటీ రెండో విడత ప్రవేశాల ప్రకటన విడుదల చేసింది. హెల్త్‌ యూనివర్సిటీ పరిధిలోని కళాశాలల్లో ఉన్న బీ కేటగిరి సీట్లను ఈ నోటిఫికేషన్‌ ద్వారా భర్తీ చేయనున్నారు. తుది మెరిట్‌ జాబితాలోని అర్హులైన అభ్యర్థులు వెబ్‌ ఆప్షన్స్‌ నమోదు చేసుకోవచ్చు. సీట్ల ఖాళీల వివరాలను యూనివర్సిటీ వెబ్‌సైట్‌లో పొందుపరిచారు. ఈ నెల 7న ఉదయం 8 నుంచి రాత్రి 8 గంటల వరకు ప్రాధాన్యత క్రమంలో కాలేజీల వారీగా వెబ్‌ ఆప్షన్లు నమోదు చేసుకోవచ్చు.
మీ స్నేహితులకు రికమెండ్ చెయ్యండి
