డీల్లి: సీన్ పెన్ ప్రపంచ స్థాయి నటుడిగానే కాకుండా రాజకీయాల్లో కూడా క్రియాశీలకంగా ఉంటున్నారు. తాజాగా హాలీవుడ్ నటుడు, అమెరికాకు చెందిన సీన్ పెన్ తన ఆస్కార్ అవార్డులలో ఒకదానిని ఉక్రెయిన్ అధ్యక్షుడు జెలెన్ స్కీకి ఇచ్చారు. ఆ దేశ రాజధాని కైవ్ సందర్శించి ఆస్కార్ ను ఆయనకు బహుమతిగా ఇచ్చాడు. ఈ విషయాన్ని జెలెన్ స్కీతన టెలిగ్రామ్ ఛానెల్‌లో పెన్‌తో కలిసి ఉన్న వీడియోను పోస్ట్ చేయడం ద్వారా తెలిపారు. అదే సమయంలో జెలెన్ స్కీ తమ దేశ ఆర్డర్ ఆఫ్ మెరిట్‌ పురస్కారాన్ని పెన్ కు ప్రధానం చేశారు. మార్చిలో, ఉక్రెయిన్‌పై రష్యా దాడి చేసిన తర్వాత హాలీవుడ్ నటుడు తన మొదటి టెలివిజన్ ఇంటర్వ్యూ ఇచ్చారు. ఈ ఇంటర్వ్యూలో సీన్ పెన్ ఉక్రెయిన్ అధ్యక్షుడు జెలెన్ స్కీతో తన సమావేశాలపై మాట్లాడారు. దాడికి ముందు, తర్వాత ఆయనను కలిశానని చెప్పారు. ధైర్యం, గౌరవం, ప్రేమతో జెలెన్ స్కీ ఉక్రెయిన్ ను ఏకం చేని అందరినీ ఆకట్టుకున్నారని తెలిపారు. ఇలాంటి విషయం ఆధునిక ప్రపంచంలో ఇదే తొలిసారి అని వ్యర్తం చేశారు.
