హైదరాబాద్: ప్రధాని మోడీ నేడు రాష్ట్రంలో పర్యటించనున్నారు. ఆంధ్రప్రదేశ్‌లోని విశాఖ నుంచి ప్రత్యేక విమానంలో బేగంపేట విమానాశ్రయానికి చేరుకుంటారు. ఈ నేపథ్యంలో ట్రాఫిక్ పోలీసులు హైద‌రాబాద్‌లో ట్రాఫిక్ ఆంక్షలు విధించారు. సోమాజిగూడ, మోన‌ప్ప ఐలాండ్, రాజ్‌భ‌వ‌న్ రోడ్, ఖైర‌తాబాద్ జంక్షన్ ప‌రిధిలో మ‌ధ్యాహ్నం 12 నుంచి రాత్రి 7 గంట‌ల వ‌ర‌కు ఆంక్షలు అమల్లో ఉండనున్నాయి.
పంజాగుట్ట, గ్రీన్‌ల్యాండ్స్‌, ప్రకాశ్‌న‌గ‌ర్ టీ జంక్షన్, ర‌సూల్‌పురా టీ జంక్షన్, సీటీవో మార్గాల్లో వాహ‌నాల దారి మ‌ళ్లింపు ఉంటుంద‌ని చెప్పారు. దీంతో వాహనదారులు ప్రత్యామ్నాయ మార్గాల్లో వెళ్లాల‌ని అధికారులు సూచించారు.
మీ స్నేహితులకు రికమెండ్ చెయ్యండి
