షిమ్లా: ఇవాళ హిమాచ‌ల్‌లో అసెంబ్లీ ఎన్నిక‌లు జ‌రుగుతున్న విష‌యం తెలిసిందే. ఈ తరుణంలో హిమాచ‌ల్ ప్ర‌దేశ్‌లో అత్యంత ఎత్తైన ప్ర‌దేశంలో పోలింగ్ స్టేష‌న్‌ను ఏర్పాటు చేశారు. తాషిగ్యాంగ్, స్పిటిలో ఆ పోలింగ్ స్టేష‌న్‌ను ఏర్పాటు చేశారు. ఇది 15,256 అడుగుల ఎత్తులో ఉంది. ప్ర‌పంచంలోనే అత్యంత ఎత్తైన ప్ర‌దేశంలో ఉన్న పోలింగ్ బూత్‌గా రికార్డు క్రియేట్ చేయడం విశేషం. ఆ పోలింగ్ కోసం రాష్ట్ర‌వ్యాప్తంగా 7,884 పోలింగ్ స్టేష‌న్ల‌ను ఏర్పాటు చేయగా కొండ ప్రాంతాల వాళ్ల కోసం కూడా ప్ర‌త్యేకంగా పోలింగ్ బూత్‌ల‌ను ఏర్పాటు చేశారు. అత్యంత ఎత్తులో ఉన్న తాషిగ్యాంగ్ బూత్‌లో మొత్తం 52 మంది ఓట‌ర్లు ఓటు వేయ‌నున్నారు. సీనియ‌ర్ సిటిజ‌న్లు, దివ్యాంగ ఓట‌ర్ల కోసం ఆ బూత్‌ను మోడ‌ల్ పోలింగ్ స్టేష‌న్‌గా మార్చారు. హిమాచ‌ల్‌లో మొత్తం 68 నియోజ‌క‌వ‌ర్గాలు ఉన్నాయి. ఇవాళ ఉద‌యం 11 గంట‌ల వ‌ర‌కు 17.98% పోలింగ్ జ‌రిగిన‌ట్లు అధికారులు తెలిపారు.