హైదరాబాద్: ప్రేమ విఫలమవడంతో ఓ యువకుడు ఉరేసుకొని ఆత్మహత్య చేసుకున్న ఘటన తుకారాంగేట్‌ పోలీస్‌ స్టేషన్‌ పరిధిలో జరిగింది. పోలీసులు తెలిపిన వివరాల ప్రకారం.. అడ్డగుట్ట ిసీ-సెక్షన్‌కు చెందిన అరుణ్‌ కుమార్‌(21) ప్రైవేట్‌ ఉద్యోగి బంధువైన ఓ యువతితో ప్రేమ వ్యవహారం సాగించాడు. ఈ విషయం ఇరు కుటుంబాలకు తెలియడంతో ఇద్దరిని మందలించారు. దీంతో మనస్థాపానికి గురైన అరుణ్‌ కుమార్‌ మంగళవారం ఇంట్లో ఉరేసుకొని ఆత్మహత్య చేసుకున్నాడు. ఇంటికి వచ్చిన తండ్రి ఇంటి తలుపులు తీయకపోవడంతో అనుమానం వచ్చి కిటికీలోంచి చూడగా, ఉరేసుకొని కనిపించాడు. తలుపులు పగులగొట్టి అరుణ్‌ కుమార్‌ను ఆస్పత్రికి తరలించగా, అప్పటికే మృతి చెందాడని వైద్యులు ధ్రువీకరించారు. పోలీసులు మృతదేహన్ని గాంధీ మార్చురీకి తరలించి కేసు నమోదుచేశారు.