నవతెలంగాణ హైదరాబాద్:  మధ్యప్రదేశ్‌ మాజీ ముఖ్యమంత్రి, కాంగ్రెస్‌ నేత కమల్‌ నాథ్‌ 76వ పుట్టిన రోజు సందర్భంగా  కేక్ కట్ చేశారు.  అభిమానులు, పార్టీ కార్యకర్తలు చింద్వారాలోని కమల్‌నాథ్‌ ఇంటి వద్ద ముందస్తు పుట్టినరోజు వేడుకలు నిర్వహించారు. అదే ఇప్పుడు ఆయన మెడకు చుట్టుకుంది. వేడుకల్లో భాగంగా కమల్‌నాథ్‌తో అభిమానులు ఆలయాన్ని పోలిన కట్‌ చేయించారు. అంతే కాకుండా దానిపైన హనుమంతుడి బొమ్మ, కాషాయ జెండా ఉంది. ఇందుకు సంబంధించిన వీడియో ప్రస్తుతం నెట్టింట వైరల్‌ అవుతోంది. ఇది చూసిన ప్రత్యర్థులు కమల్‌ నాథ్‌పై ఆగ్రహం వ్యక్తం చేస్తున్నారు. ఇలా చేయడం హిందువులను అవమానించడం తప్ప మరొకటి కాదంటూ విమర్శిస్తున్నారు.