Authorization
Mon Jan 19, 2015 06:51 pm
హైదరాబాద్: నెల్లూరు పట్టణ టీడీపీ ఇన్చార్జి కోటంరెడ్డి శ్రీనివాసులు రెడ్డిని కారుతో ఢీకొట్టారంటూ వార్తలు రావడం తెలిసిందే. కోటంరెడ్డి ప్రస్తుతం ఆస్పత్రిలో చికిత్స పొందుతుండగా, ఇది రాజకీయ కోణంలో జరిగిన దాడి అని ఆయన భార్య ఆరోపిస్తున్నారు. ఈ తరుణంలో మాజీ మంత్రి, వైసీపీ ఎమ్మెల్యే అనిల్ కుమార్ యాదవ్ స్పందించారు. శ్రీనివాసులు రెడ్డిని కారుతో ఢీకొట్టారన్నది అవాస్తవం అని పేర్కొన్నారు. ఈ దాడిలో తనపై అసత్య ఆరోపణలు చేయడం దుర్మార్గం అన్నారు. జిల్లాలో ఏది జరిగినా తనకు ఆపాదిస్తున్నారని మండిపడ్డారు. టీడీపీ నేతలు అబద్ధాలతో నెట్టుకొస్తున్నారని అనిల్ కుమార్ విమర్శించారు. కోటంరెడ్డి శ్రీనివాసులు విషయంలో వ్యక్తిగత విభేదాల వల్లే దాడి జరిగిందని అన్నారు.