హైదరాబాద్: ఏపీలో నిరుద్యోగులకు గుడ్ న్యూస్. పోలీస్ శాఖలో 6,511 ఉద్యోగాలకు ప్రభుత్వం నోటిఫికేషన్ విడుదల చేసింది. వీటిలో 411 ఎస్సై, 6,100 కానిస్టేబుల్ ఉద్యోగాలు ఉన్నాయి. వీటిలో 315 సివిల్ ఎస్సైలు, 96 ఆర్ఎస్సై పోస్టులు ఉన్నాయి. కానిస్టేబుల్ పోస్టుల్లో 3,580 సివిల్, 2,560 ఏపీఎస్పీ పోస్టులు ఉన్నాయి. కానిస్టేబుల్ ఉద్యోగాల్లో హోంగార్డులకు 15 శాతం రిజర్వేషన్లను కల్పించనున్నారు. ఏపీఎస్సీ కానిస్టేబుల్ ఉద్యోగాల్లో హోంగార్డులకు 25 శాతం రిజర్వేషన్లను వర్తింపజేయనున్నారు. ఎస్సై ఉద్యోగాలకు వచ్చే నెల 14 నుంచి.. కానిస్టేబుల్ పోస్టులకు ఈ నెలఖరు నుంచి ఆన్ లైన్ లో అప్లికేషన్లు అందుబాటులో ఉంటాయి. వచ్చే ఏడాది జనవరి 22న కానిస్టేబుల్ ఉద్యోగాలకు, ఫిబ్రవరి 19న ఎస్సై పోస్టులకు రాత పరీక్ష జరగనుంది.