హైదరాబాద్: పశ్చిమ బెంగాల్‌లోని ఖరగ్‌పూర్ రైల్వే స్టేషన్‌లో షాకింగ్ ఘటన చోటు చేసుకుంది. టీటీఈగా పని చేస్తున్న సుజన్ సింగ్ సర్దార్‌ అనే వ్యక్తి ఖరగ్‌పూర్ రైల్వే స్టేషన్‌లో ప్లాట్‌ఫామ్‌పై తన సహోద్యోగితో మాట్లాడుతున్నాడు. ఆ సమయంలో హఠాత్తుగా హైటెన్షన్ వైర్ తెగి అతడిపై పడింది. వెంటనే అతను స్పృహ కోల్పోయి పక్కనే ఉన్న రైల్వే ట్రాక్‌పై పడిపోయాడు. పక్కనే ఉన్న వ్యక్తి తృటిలో తప్పించుకున్నాడు. పట్టాలపై పడిపోయిన సుజన్‌ను రైల్వే సిబ్బంది వెంటనే ఖరగ్‌పూర్ రైల్వే ఆస్పత్రికి తరలించారు. సుజన్ తలతోపాటు ఆయన శరీరంలోని పలుచోట్ల తీవ్ర గాయాలైనట్టు వైద్యులు తెలిపారు. ఈ షాకింగ్  వీడియో సోషల్ మీడియాలో వైరల్ అవుతోంది.