హైదరాబాద్: చంద్రుడిపైకి మానవుల రవాణా అవకాశాల పరిశీలన నిమిత్తం నాసా ఆర్టెమిస్-1 మిషన్ ను గత నవంబరు 16న చేపట్టింది. దీనిలో భాగంగా ప్రయోగించిన ఓరియన్ స్పేస్ కాప్సూల్ నేడు భూ వాతావరణంలో తిరిగి ప్రవేశించి, పసిఫిక్ మహాసముద్రంలో పడనుంది. ఆర్టెమిస్-1 మిషన్ లో భాగంగా చివరి దశ యాత్రను పూర్తి చేసుకున్న ఓరియన్ స్పేస్ కాప్సూల్ భూమికి తిరిగివస్తోంది. నాసా అంచనా  ప్రకారం అమెరికా కాలమానం ప్రకారం ఉదయం 9.40 గంటలకు ఇది సముద్రంలో పడుతుందని ఓ అంచన.
             ఈ కాప్సూల్ భూమికి తిరిగి వచ్చే ప్రకియ గత వారం కిందటే ప్రారంభమైంది. ఇందులోని ఇంజిన్ల శక్తిమంతమైన కదలికల కారణంగా, స్పేస్ కాప్సూల్ దిశ మారింది. దాంతో చంద్రుడి ఉపరితలం నుంచి భూమి వైపు పయనించడం ప్రారంభించింది. ఇది భూమికి తిరిగి వచ్చే సమయంలో దీని వేగం గంటకు 40 వేల కిలోమీటర్ల వేగంతో దూసుకురానుంది. భూ వాతావరణంలోకి ప్రవేశించిన తర్వాత గరిష్ఠ వేగాన్ని అందుకుంటుందని భావిస్తున్నారు. ఇది పసిఫిక్ మహాసముద్రంలో పడే సమయానికి దీని వేగాన్ని గంటకు 32 కిలోమీటర్లకు నియంత్రించనున్నారు.