నవతెలంగాణ న్యూఢిల్లీ: తనపై సామూహిక అత్యాచారానికి పాల్పడిన దోషుల విడుదలను వ్యతిరేకిస్తూ సుప్రీంకోర్టు తలుపు తట్టిన బాధితురాలు బిల్కిస్ బానోకు చుక్కెదురైంది. ఆమె వేసిన రివ్యూ పిటిషన్‭ను సుప్రీం ధర్మాసనం విచారణకు తీసుకోకుండానే తిరస్కరించింది. 2002 నాటి ఘటనలో నిందితులైన ఈ 11 మందిని 2008లో దోషులుగా గుర్తిస్తూ కోర్టు వీరికి శిక్ష విధించింది. అనంతరం గుజరాత్ రిమిషన్ పాలసీ కింద ఈ ఏడాది ఆగస్టు 15న వీరిని రాష్ట్ర ప్రభుత్వం విడుదల చేసింది. గోద్రా అల్లర్లు జరిగిన సమయంలో బిల్కిస్‭ (21) ఐదు నెలల గర్భవతి. నింధితులు ఆమెపై సామూహిక లైంగికదాడి చేశారు. అంతే కాకుండా ఆమె మూడేళ్ల కూతురితో పాటు ఏడుగురు కుటుంబ సభ్యుల్ని అతి కిరాతకంగా హత్య చేశారు. వారి విడుదల సందర్భంలో ఖైదీలకు రాచమర్యాదలతో స్వాగతం పలికిన విషయం విధితమే