హైదరాబాద్: ఫుట్ బాల్ వరల్డ్ కప్ చరిత్రలో అర్జెంటీనా-ఫ్రాన్స్ మధ్య జరిగిన ఫైనల్ మ్యాచ్ ను మించింది మరొకటి లేదని ఫిపా గతరాత్రి ఓ ప్రకటన చేసింది. ఆ ప్రకటనలో ఎంతమాత్రం అతిశయోక్తి లేదు.  ఈ తరుణంలో మ్యాచ్ పై గూగుల్ మాతృసంస్థ ఆల్ఫాబెట్ సీఈవో సుందర్ పిచాయ్ స్పందించారు. గత పాతికేళ్లలో మరే అంశం కోసం వెదకనంతగా, ప్రజలు ఫిఫా వరల్డ్ కప్ ఫైనల్ మ్యాచ్ కోసం సెర్చ్ చేశారని, గత 25 ఏళ్లలో ఈ స్థాయిలో ఇంటర్నెట్ ట్రాఫిక్ ఎప్పుడూ నమోదు కాలేదని పిచాయ్ అన్నారు. ఒకే ఒక్క అంశం కోసం యావత్ ప్రపంచం వెదికినట్టుగా ఉందని అభివర్ణించారు.
    అర్జెంటీనా వర్సెస్ ఫ్రాన్స్ అనే సెర్చ్ టర్మ్ తో డిసెంబరు 18వ తేదీన కోటి మందికి పైగా సెర్చ్ చేశారని గూగుల్ ట్రెండ్ (ఇండియా) డేటాలో తెలిసింది. ఇక ఫిఫా వరల్డ్ కప్ టీమ్స్ కోసం 2 లక్షల మంది, మెస్సి భార్య గురించి వివరాల కోసం 1 లక్ష మంది, అర్జెంటీనా సాకర్ దిగ్గజం డీగో మారడోనా కోసం 1 లక్ష మంది వెదికినట్టు గూగుల్  తెలుస్తుంది.