హైదరాబాద్: ఏపీ సీఎం వైఎస్ జగన్ నేడు 50వ పుట్టినరోజు జరుపుకుంటున్నారు. దీంతో రాష్ట్రవ్యాప్తంగా వైసీపీ శ్రేణుల్లో పండగ వాతావరణం కనిపిస్తోంది. వైసీపీ నేతలు, కార్యకర్తలు ప్రతి ఊళ్లోనూ కేక్ లు కట్ చేస్తూ జగన్ పై తమ అభిమానం చాటుకుంటున్నారు. కాగా, రాష్ట్ర ముఖ్యమంత్రి జగన్ కు టీడీపీ అధినేత చంద్రబాబు, జనసేన పార్టీ అధ్యక్షులు పవన్ కల్యాణ్ శుభాకాంక్షలు తెలియజేశారు. బర్త్ డే గ్రీటింగ్స్ టూ వైఎస్ జగన్ అంటూ చంద్రబాబు విషెస్ తెలిపగా, ఆంధ్రప్రదేశ్ ముఖ్యమంత్రి శ్రీ వైఎస్ జగన్మోహన్ రెడ్డి కి హృదయపూర్వక జన్మదిన శుభాకాంక్షలు అంటూ పవన్ కల్యాణ్ ఓ ప్రకటనలో తెలిపారు.
మీ స్నేహితులకు రికమెండ్ చెయ్యండి
