హైదరాబాద్ : టాస్ గెలిచి బ్యాటింగ్‎ కు దిగిన బంగ్లాదేశ్ లంచ్ సమయానికి 28 ఓవర్లలో రెండు వికెట్లను కోల్పోయి 82 రన్స్ చేసింది. ఓపెనింగ్‎ కు దిగిన బంగ్లా బ్యాటర్లు..జాకిర్‌ హసన్(15), నజ్ముల్‌ హొస్సేన్‌(24)ను జయదేవ్ ఉనద్కత్, రవిచంద్రన్ అశ్విన్ పెవిలియన్ బాటపట్టించారు. అనంతరం క్రీజులోకి వచ్చిన కెప్టెన్ షకీబ్ (16), మామినుల్ హక్ (23) నాటౌట్‎ గా నిలిచి ఇన్నింగ్స్‎ ను గాడిలో పెట్టారు. ఈ రెండు జట్లకు మ్యాచ్ కీలకం. ఈ రెండవ టెస్టును గెలిచి టీమిండియా సిరీస్ క్లీన్ స్వీప్ చేయాలని చూస్తుండగా..మరోవైపు బంగ్లాదేశ్ ఈ మ్యాచ్ లో గెలిచి సిరీస్ సమం చేయాలని కసిమీద ఉంది. ఇప్పటికే ఈ టెస్టు సిరీస్ లో భారత జట్టు 1-0తో ఆధిక్యంలో కొనసాగుతోంది.