హైదరాబాద్: మలక్‌పేట ఫంక్షన్‌హాల్‌, రేస్‌కోర్సులో రోజూ చాయ్‌ అమ్మి బతుకుతున్నా.. ప్రభుత్వ సంక్షేమ పథకాల కోసం దరఖాస్తు చేసుకుంటే రేషన్‌కార్డు జీరాక్స్‌ కావాలన్న నిబంధన విధించారని, అందుకోసం రేషన్‌ కార్డు కోసం దరఖాస్తు చేసుకుంటే పోలీసు ఉద్యోగినంటూ అధికారులు నిరాకరించారని ఓల్డ్‌మలక్‌పేట నివాసి షేక్‌ ఇస్మాయిల్‌ ఆవేదన వ్యక్తం చేశారు. తాను పోలీసు ఉద్యోగిని కానని, అధికారులు ఎవరిని విచారించారో బహిర్గతం చేయాలని ఆయన డిమాండ్‌ చేశారు. తనకు కార్డు ఎందుకు ఇవ్వడం లేదో తెలియజేస్తూ రేషన్‌ అధికారులు సంబంధిత పత్రాలు చూపిస్తున్నారని, చదువుకోని నేను ఉద్యోగం ఎలా చేస్తానని ప్రశ్నించారు. తన బాధను ఎవరికి చెప్పుకోవాలో అర్ధం కావట్లేదని అన్నారు.
మీ స్నేహితులకు రికమెండ్ చెయ్యండి
