హైదరాబాద్ : ఆమె అతన్ని గాఢంగా ప్రేమించింది. కానీ, ఆమె కోరిక అతనికి కోపం తెప్పించింది. ఉన్నట్లుండి ఉన్మాదిలా ఊగిపోయాడు. చెంప పగలకొట్టి.. జుట్టు లాగి కింద పడేసి కాలితో తన్నాడు. ఆమెను అత్యంత కిరాతకంగా చితకబాదాడు. ప్రస్తుతం ఈ ఘటనకు సంబంధించిన వీడియో వైరల్‌ అవుతోంది.
ఆమెను కిందపడేసి కాలితో పలుమార్లు తన్నాడు. ఆ దాడిలో ఆమె స్పృహ కోల్పోయింది. ఆపై ఆమెను పక్కకు తీసుకొచ్చి.. స్పృహలోకి తెచ్చే యత్నం చేశాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. మధ్యప్రదేశ్‌లోని రేవా జిల్లాలో రెండురోజుల కిందట ఈ సంఘటన జరిగింది.  వివాహం చేసుకోవాలని కోరినందుకే ఆమెపై అలా ఆ ప్రియుడి దాడి చేసినట్లు తెలుస్తోంది. వీడియో ఆధారంగా కేసు నమోదు చేసుకున్న పోలీసులు.. ఆ యువకుడి మీద కేసు నమోదు చేశారు. బాధితురాలితో పాటు అతన్ని గుర్తించి అరెస్ట్‌ చేసేందుకు ప్రయత్నాలు మొదలయ్యాయి. పట్టపగలే ఈ ఘటన జరిగింది. కొందరు వీడియో తీశారే తప్ప.. ఆమెను రక్షించే యత్నం చేయలేదు.