హైదరాబాద్: గ్రేటర్‌ ప్రయాణికులకోసం ఆర్టీసీ త్వరలో 10 డబుల్‌ డెక్కర్‌ బస్సులను అందుబాటులోకి తీసుకువస్తోంది. ఈ విషయంలో టీఎస్ఆర్టీసీ ఎండీ వీసీ సజ్జనర్‌ స్పష్టత నిచ్చారు. పర్యాటకులతోపాటు నగరవాసుల్ని ఆకట్టుకునేందుకు చర్యలు తీసుకుంటున్నట్లు తెలిపారు. ఫేమ్‌ 2 కింద త్వరలో 300 ఎలక్ర్టిక్‌ బస్సులను గ్రేటర్‌లో అందుబాటులోకి తెస్తామన్నారు. అలాగే, మరో 500 ఎలక్ర్టిక్‌ బస్సులను సైతం కొనుగోలు చేయనున్నామన్నారు. గ్రేటర్‌జోన్‌పై ప్రత్యేక దృష్టిసారించామని, ప్రయాణికుల రద్దీకి అనుగుణంగా క్రమంగా బస్సుల సంఖ్య పెంచేదిశగా చర్యలు తీసుకుంటునట్లు తెలిపారు.
మీ స్నేహితులకు రికమెండ్ చెయ్యండి
