నవతెలంగాణ హైదరాబాద్‌: తన నటనతో ప్రేక్షకుల అభిమానాన్ని చూరగొన్న గొప్ప నటుడు చలపతిరావు అని మంత్రి తలసాని శ్రీనివాస్ యాదవ్ అన్నారు. సీనియర్ తెలుగు సినీ నటుడు చలపతిరావు హఠాన్మరణం  చాలా బాధాకరమని మంత్రి తలసాని తెలిపారు. ఆదివారం జూబ్లీహిల్స్‌లోని చలపతిరావు నివాసానికి వెళ్లి పార్థీవదేహం వద్ద నివాళుర్పించారు. కుటుంబ సభ్యులను పరామర్శించి, ప్రగాఢ సంతాపం తెలిపారు. ఈ సందర్భంగా మంత్రి మాట్లాడుతూ ఎన్టీఆర్‌, చిరంజీవి, బాలకృష్ణ, జూనియర్ ఎన్టీఆర్‌ ఇలా మూడు తరాలకు చెందిన నటులతో సుమారు 1250కిపైగా చిత్రాల్లో నటించడం గొప్ప విషయమన్నారు.  పరిశ్రమలోని అందరితో ఎంతో కలివిడిగా ఉండే వ్యక్తి మన మధ్యలో లేడనే వార్త ఎంతో కలచి వేస్తుందని మంత్రి పేర్కొన్నారు. మంత్రితో పాటు జూబ్లీహిల్స్ ఎమ్మెల్యే మాగంటి గోపినాథ్‌ చలపతిరావుకు నివాళులర్పించారు.