హైదరాబాద్: వరల్డ్ ఇండెక్స్ సంస్థ ఎత్నోలాగ్-2022 పేరిట ప్రపంచంలో అత్యధిక భాషలు వాడుకలో ఉన్న దేశాల టాప్-10 జాబితాను విడుదల చేసింది. ఈ జాబితాలో పసిఫిక్ ద్వీప దేశం పాపువా న్యూగినియా నెంబర్ వన్ స్థానంలో నిలిచింది. పాపువా న్యూగినియాలో దాదాపు 840 భాషలు వాడుకలో ఉన్నట్టు వరల్డ్ ఇండెక్స్ తెలిపింది.
                   పాపువా న్యూగినియా జనాభా కేవలం 93 లక్షలే. అయినప్పటికీ పెద్ద సంఖ్యలో తెగలు ఇక్కడ జీవిస్తుండడంతో ఇన్ని భాషలు వాడుకలో ఉన్నాయి. ఇదే తరుణంలో ఈ జాబితాలో రెండు, మూడు స్థానాల్లో ఇండోనేషియా నైజీరియా ఉన్నాయి. ఇండోనేషియాలో 715 భాషలు, నైజీరియాలో 527 భాషలు ఉన్నాయి. దీనిలో భారత్ నాలుగో స్థానంలో నిలిచింది. భారత్ లో 456 భాషలు వాడుకలో ఉన్నట్టు వరల్డ్ ఇండెక్స్ తెలిపింది. ఆ తర్వాత వరుసగా అమెరికా (337), ఆస్ట్రేలియా (317), చైనా (307), మెక్సికో (301), కామెరూన్ (277), బ్రెజిల్ (238) దేశాలు ఈ జాబితాలోస్థానం సంపాధించాయి.