నవతెలంగాణ న్యూఢిల్లీ: కాంగ్రెస్ పార్టీ 138వ వ్య‌వ‌స్థాప‌క దినోత్స‌వ వేడుకలు ఏఐసీసీ ప్ర‌ధాన కార్యాల‌యంలో  ఘనంగా నిర్వహించారు. ఈ వేడుకలలో ఏఐసీసీ అధ్యక్షులు మల్లికార్జున్ ఖార్గే, కాంగ్రేస్ అగ్రనేతలు సోనియా గాంధీ, రాహుల్ గాంధీ, అంబికా సోని, తదితరులు పాల్గోన్నారు.  ఇటీవ‌ల భార‌త్ జోడో యాత్ర నిర్వ‌హిస్తున్న ఆయ‌న టీ ష‌ర్ట్‌లోనే టూర్ చేస్తున్నారు. చాలా స్పీడ్‌గా వాకింగ్ చేస్తూ చెలాకీగా క‌నిపిస్తున్నారు. అయితే ఢిల్లీలో జ‌రిగిన ఈవెంట్‌కు కూడా రాహుల్ టీష‌ర్ట్‌లో వ‌చ్చారు. ఆ స‌మ‌యంలో ఓ రిపోర్ట‌ర్ ప్ర‌శ్న వేస్తూ ఇవాళ కూడా మీరు టీష‌ర్ట్‌లోనే వ‌చ్చారా అని అడిగారు. దానికి రాహుల్ గాంధీ కౌంట‌ర్ ఇచ్చారు. ప్ర‌స్తుతం టీష‌ర్ట్‌ల‌దే న‌డుస్తోంద‌ని, ఎప్ప‌టి వ‌ర‌కు ఆ హ‌వా ఉంటుందో, అప్ప‌టి వ‌ర‌కు ఇలాగే కొన‌సాగిస్తాన‌ని అన్నారు. టీష‌ర్ట్ హీ చ‌ల్ ర‌హి హై ఔర్ జ‌బ్ త‌క్ చ‌ల్ ర‌హి హై చ‌లాయింగే అంటూ రాహుల్ కామెంట్ చేశారు.