నవతెలంగాణ-కన్నాయిగూడెం
శనివారం ఏటూరు నాగారం ఐటీడీఏ ప్రాజెక్టు ఆఫీసర్ అంకిత్ ట్రైబల్ వెల్ఫేర్ ఆశ్రమ ఉన్నత పాఠశాల, తుపాకులగూడెం, ఆశ్రమ హైస్కూల్ ఫర్ బాలుర కన్నాయిగూడెం సందర్శించారు. విద్యార్థుల హాజరు వివరాలు, ఉపాధ్యాయుల స్థానాలు, పని వివరాలపై ఆరా తీశారు. విద్యార్థులకు స్వెటర్లు, మంకీ క్యాప్స్, స్కూల్ బ్యాగులు, టీ-షర్టులు గురించి అడిగి తెలుసుకున్నారు. అనంతరం పాఠశాలల్లోని విద్యార్థులకుమెనూ ప్రకారం ఆహారాన్ని అందించడం ఆహారం అందించే పరిమాణం మొదలైన వాటిపై విచారించారు.
అలాగే ఆర్‌ఓ వాటర్ ప్లాంట్ల పని తీరు, పాఠశాలకు మిషన్ భగీరథ నీటి కనెక్షన్, మరుగుదొడ్ల స్థితిగతులు, మరుగుదొడ్లకు నీరు వెళ్లే బాత్‌రూమ్‌లు, సోలార్ వాటర్ హీటర్ స్థితి మొదలైన వాటిపై ఆరా తీశారు. డార్మిటరీలు, స్టోర్ రూమ్‌లు, వంటశాలలో ఆహారాన్ని వండడం మరియు వడ్డించడం తనిఖీ చేయబడింది. సిలబస్ పూర్తి చేయడం మరియు ప్రత్యేక తరగతులు నిర్వహించడం మొదలైన వాటిపై హెడ్ మాస్టర్, ఉపాధ్యాయులతో విచారించారు,విద్యార్థులపై తగు జాగ్రత్తలు తీసుకోవాలని, ప్రత్యేక తరగతులను క్రమం తప్పకుండా నిర్వహించాలని, ప్రతిసారీ విద్యార్థులకు వేడివేడిగా వండిన ఆహారాన్ని అందించాలని, మిగిలిపోయిన వాటిని విద్యార్థులకు అందించరాదని హెడ్‌మాస్టర్‌, వార్డెన్‌లను ఆదేశించారు.
