- వరంగల్ పోలీస్ కమిషనర్ ఏ.వి. రంగనాథ్
- వాహనదారులు లైసెన్స్ లేకుండా వాహనం నడిపితే సదరు వాహనం సీజ్ చేయబడుతుందని వరంగల్ పోలీస్ కమిషనర్ వాహనదారులను హెచ్చరించారు.
నవతెలంగాణ- వరంగల్
వరంగల్ పోలీస్ కమిషనరేట్ పరిధిలో రోడ్డు ప్రమాదాల నియంత్రణతో పాటు క్రమశిక్షణతో కూడిన ట్రాఫిక్ ను కొనసాగించేందుకు పోలీస్ కమిషనర్ తీసుకుంటున్న చర్యల్లో భాగంగా ఈ నెల 17వ తేది తరువాత ఇక వాహనదారులు తమ వాహనాల నడిపేందుకుగాను అవసరమయిన డ్రైవింగ్ లైసెన్స్ తప్పక కలిగివుండాలని. వాహనదారులు ఏవరైనా డ్రైవింగ్ లైసెన్స్ లేకుండా వాహనం నడపితే వారి వాహనాలను సీజ్ చేసి పోలీస్ స్టేషన్ తరలించడంతో పాటు వాహన యజమానిపై మోటార్ వెహికిల్ యాక్ట్ 180 మరియు 181 సెక్షన్ల అనుసరించి కోర్టులో చార్జ్ షీట్ సమర్పించడం.
               జరుగుతుందని. లైసెన్స్ లేని వాహనదారుడు నూతనంగా రవాణా శాఖ నుండి పొందిన లర్నింగ్ లైసెన్స్ పత్రాలను పోలీస్ అధికారులకు సమర్పించిన అనంతరం సీజ్ చేసిన మీ వాహనాన్ని తిరిగి అందజేయడం జరుగుతుందని, అలాగే మైనర్లు వాహనాలు నడిపితే వారి వాహనాలు కూడా సీజ్ చేసి, తల్లిదండ్రులకు లేదా వాహన యజమానికిపైన కోర్టులో చార్జ్ షీట్ సమర్పించడంతో పాటు మైనర్లపై కూడా జువైనల్ కొర్టులో చార్జ్ షీట్ సమర్పించబడుతుందని, అలాగే మైనర్ తల్లిదండ్రులకు వరంగల్ పోలీస్ కమిషనరేట్ కార్యాలయములో పోలీస్ అధికారులచే కౌన్సిలింగ్ నిర్వహించబడుతుందని వరంగల్ పోలీస్ కమిషనర్ వాహనదారులకు సూచించారు. కమిషనరేట్ పరిధిలో ట్రాఫిక్ రోడ్డు ప్రమాదాల నివారణతో పాటు ట్రాఫిక్ క్రమబద్ధీకరణ కోసం తమ వంతు సహకారాన్ని అందించారలని పోలీస్ కమిషనర్ వాహనదారులకు తెలిపారు.