నవతెలంగాణ : సువాసనలు వెదజల్లే వెండి చీరను రాష్ట్ర చేనేత, జౌళీశాఖ మంత్రి కల్వకుంట్ల తారకరామారావు ఆవిష్కరించారు. సిరిసిల్లకు చెందిన చేనేత కళాకారుడు నల్లా విజయ్ ఈ చీరెను నేశారు. నేత కళాకారుల ప్రతిభను వెన్నుతట్టి ప్రోత్సహించే మంత్రి తారక రామారావు చేతుల మీదుగా ఆ వెండి చీరెను ఆవిష్కరించారు. సుగంధ ద్రవ్యాలు, వెండితో చీరను నేసినట్లు మంత్రి కేటీఆర్ తెలిపిన చేనేత కార్మికుడు విజయ్ తెలిపాడు. దాదాపు రోజులపాటు ఈ చీరపైనే పనిచేసినట్లు చెప్పారు. ఈ సందర్భంగా ఇప్పటిదాకా విజయ్ నేసిన వస్త్ర ఉత్పత్తులకు సంబంధించిన వివరాలను కేటీఆర్ అడిగి తెలుసుకొని, ప్రశంసించారు. తెలంగాణ నేతన్నల అనితర సాధ్యమైన, అద్భుతమైన ప్రతిభకు విజయ్ నిదర్శనమని కొనియాడారు. సిరిసిల్లకు మరింత పేరు ప్రఖ్యాతలు తీసుకురావాలని మంత్రి అభిలాషించారు. విజయ్‌కి అవసరమైన అన్ని రకాల సహాయ సహకారాలను అందిస్తానని కేటీఆర్‌ హామీ ఇచ్చారు.