నవతెలంగాణ - న్యూఢిల్లీ
రిప‌బ్లిక్ డే వేడుక‌ల తరుణంలో ఢిల్లీలో పోలీసులు ప‌టిష్ట బందోబ‌స్తు ఏర్పాటు చేశారు. అనుమానిత వ్య‌క్తుల‌ను అదుపులోకి తీసుకుని విచారిస్తున్నారు. ఈ క్రమంలో గురువారం నాడు ఇద్ద‌రు అనుమానిత ఉగ్ర‌వాదుల‌ను ఢిల్లీ స్పెష‌ల్ సెల్ పోలీసులు అదుపులోకి తీసుకున్నారు. ఆ ఇద్ద‌రి నుంచి మూడు పిస్తోల్స్, 22 లైవ్ కార్టిడ్జెస్ స్వాధీనం చేసుకున్నారు.
దీంతో నిందితుల‌ను ఉత్త‌రాఖండ్‌కు చెందిన జ‌గ్‌జిత్ సింగ్‌(29), ఢిల్లీకి చెందిన నౌషద్(56)గా పోలీసులు గుర్తించారు. జ‌గ్‌జిత్‌కు ఖ‌లిస్తానీ ఉగ్రవాదులతో సంబంధాలు ఉన్న‌ట్లు పోలీసులు అనుమానిస్తున్నారు. అయితే ఖ‌లిస్తానీ ఉగ్రవాదులతో సంబంధం ఉన్నవారు ఢిల్లీలోని జహంగీర్‌పూరి ఏరియాలో ఉన్న‌ట్లు పోలీసులు తెలిపారు. నౌషద్ హ‌ర్ఖ‌త్ ఉల్ అన్స‌ర్ ఉగ్ర‌వాద సంస్థ‌తో సంబంధాలు ఉన్న‌ట్లు గుర్తించారు.
మీ స్నేహితులకు రికమెండ్ చెయ్యండి
