వరంగల్: జిల్లాను పొగమంచు కమ్మేసింది. మంచు ప్రభావంతో వాహనదారులు తీవ్ర ఇబ్బందులు పడుతున్నారు. ఈ క్రమంలో ఖమ్మం - వరంగల్ జాతీయ రహదారిపై ఘోర రోడ్డు ప్రమాదం జరిగింది. పొగ మంచు ప్రభావంతో రాయపర్తి దగ్గర బైక్‌ను లారీ ఢీ కొట్టింది. ఈ ప్రమాదంలో బైక్‌పై ఉన్న వ్యక్తి రెండు ముక్కలై మృతి చెందాడు. బైకిస్టు తల, మొండెం వేరయ్యాయి. మరొక వ్యక్తి తీవ్రంగా గాయపడ్డాడు. మృతదేహాన్ని లారీ 100 మీటర్ల వరకు లాక్కెళ్లింది. సమాచారం అందుకున్న పోలీసులు సంఘటన ప్రదేశానికి చేరుకుని పోస్టమార్టం నిమిత్తం మృతదేహాన్ని ఆస్పత్రికి తరలించి కేసు నమోదు చేసి దర్యాప్తు చేపట్టారు.
మీ స్నేహితులకు రికమెండ్ చెయ్యండి
