నవతెలంగాణ - ఆదిలాబాద్
ఇంద్రవెల్లి మండలంలోని కేస్లాపూర్ లో జరుగతున్న నాగోబా జాతర నేడు ముగిసింది. ఈ నాగోబా జాతర ప్రపంచంలోనే అతిపెద్ద గిరిజన జాతరల్లో ఒకటి. ఈనెల 21న మెస్రం వంశీయులు గంగాజలాన్ని తీసుకువచ్చి ఆలయంలో ప్రత్యేక పూజలు నిర్వహించి జాతరను ప్రారంభించారు. జిల్లాలోని ఆదివాసులంతా జాతరకు వచ్చి తమ మొక్కులు తీర్చుకున్నారు. ఈ తరుణంలో వారం రోజుల పాటు ఇక్కడే ఉండి సంప్రదాయం ప్రకారం వివిధ కార్యక్రమాలు నిర్వహించారు. ఇంద్రవెల్లి మండలంలోని వివిధ గ్రామాల నుంచి ఎడ్ల బండ్లలో వచ్చిన వారు తమ ఎడ్ల బండ్లను తీసుకొని బుధవారం జాతర ముగియడంతో తమ స్వగ్రామానికి బయలుదేరారు.
మీ స్నేహితులకు రికమెండ్ చెయ్యండి
