నవతెలంగాణ- హైదరాబాద్
వైఎస్ వివేకా హత్య కేసులో విచారణ నిమిత్తం కడప ఎంపీ అవినాష్ రెడ్డి హైదరాబాదులోని  సీబీఐ కార్యాలయానికి వచ్చారు. తన న్యాయవాదితో కలిసి వచ్చిన అవినాష్ రెడ్డి నేరుగా కార్యాలయంలోకి వెళ్లిపోయారు. వివేకా హత్యకేసులో అవినాష్ రెడ్డిని సీబీఐ ఎస్పీ రామ్ సింగ్ బృందం ప్రశ్నిస్తోంది.
             ఈ కేసులో అవినాష్ రెడ్డి సీబీఐ విచారణకు రావడం ఇదే తొలిసారి. వివేకా హత్య కేసుకు సంబంధించి సీబీఐ అధికారులు ఇప్పటికే 248 మంది నుంచి వాంగ్మూలాలు సేకరించారు. ఆయా వాంగ్మూలాల ఆధారంగానే సీబీఐ అధికారులు అవినాష్ రెడ్డిని ప్రశ్నిస్తున్నారు. తమ నేతను విచారిస్తున్న తరుణలంలో, కోఠిలోని సీబీఐ కార్యాలయం వద్దకు అవినాష్ రెడ్డి అనుచరులు భారీగా తరలివచ్చారు