నవతెలంగాణ-హైదరాబాద్ : కల్యాణ్ రామ్ తన కెరియర్లో హీరోగాను .. నిర్మాతగాను ప్రయోగాలు చేశాడు. 'బింబిసార' విషయంలో నిర్మాతగా ఎక్కువగా రిస్క్ చేసిన ఆయన ఘన విజయాన్ని సాధించాడు. ఇక 'అమిగోస్' విషయంలో హీరోగా మరో ప్రయోగం చేస్తున్నాడు. ఈ నెల 10వ తేదీన ఈ సినిమా ప్రేక్షకుల ముందుకు రానుంది. ఈ సినిమాలో కల్యాణ్ రామ్ మూడు విభిన్నమైన లుక్స్ తో కనిపించనున్నాడు. ఈ మూడు పాత్రల బాడీ లాంగ్వేజ్ డిఫరెంట్ గా ఉంటుంది. ఆ పాత్రల స్వభావం కూడా వేరుగా ఉంటుందనే క్లారిటీ ఇచ్చేశారు. వైవిధ్యంగా కనిపిస్తున్న కల్యాణ్ రామ్ లుక్స్ చూసిన వాళ్లంతా ఈ సినిమా పట్ల ఆసక్తిని కనబరుస్తున్నారు. ఈ నెల 3వ తేదీన ఈ సినిమా నుంచి ట్రైలర్ ను రిలీజ్ చేయనున్నారు. ఈ విషయాన్ని తెలియజేస్తూ మరో పోస్టర్ ను రిలీజ్ చేశారు. ఇంతవరకూ కనిపించని ఒక లుక్ తో ఈ పోస్టర్లో కల్యాణ్ రామ్ కనిపిస్తున్నాడు. రాజేంద్రరెడ్డి దర్శకత్వం వచ్చిన ఈ సినిమాలో కల్యాణ్ రామ్ జోడీగా ఆషిక రంగనాథ్ పరిచయమవుతోంది.