నవతెలంగాణ - హైదరాబాద్
హెలికాప్టర్‌లో షూటింగ్‌ లొకేషన్‌కు వెళుతున్నారు కమల్హాసన్. 1996లో హీరో కమల్హాసన్, దర్శకుడు శంకర్‌ కాంబినేషన్‌లో వచ్చిన ‘ఇండియన్‌’ సినిమాకు సీక్వెల్‌గా వీరిద్దరి కాంబినేషన్‌లోనే ‘ఇండియన్‌ 2’ తెరకెక్కుతున్న సంగతి తెలిసిందే. ఈ సినిమా షటింగ్‌ ప్రస్తుతం కడపలోని గండికోట విలేజ్‌లో జరుగుతోంది. తిరుపతి నుంచి గండికోట లొకేషన్‌కు రోజూ హెలికాప్టర్‌లో వెళ్తున్నారు కమల్హాసన్. కాగా కమల్‌ హెలికాప్టర్‌ రైడ్‌కు సంబంధించిన ఫోటోలు, వీడియోలు సోషల్‌ మీడియాలో వైరల్‌ అవుతున్నాయి. ఈ చిత్రం షూటింగ్‌ను వీలైనంత త్వరగా పూర్తి చేయడానికి, కాల్షీట్స్, షూటింగ్‌ సమయం వృథా కాకుండా చూసేందుకు కమల్‌ ఇలా హెలికాప్టర్‌ రైడ్‌ చేస్తున్నారన్నది కోలీవుడ్‌ టాక్‌. కాజల్‌ అగర్వాల్‌ హీరోయిన్‌గా నటిస్తున్న ఈ చిత్రంలో సిద్ధార్థ్, రకుల్‌ప్రీత్‌సింగ్, బాబీ సింహా కీ రోల్స్‌ చేస్తున్నారు. ఈ సినిమా ఈ ఏడాదే విడుదల కానుంది.
