నవతెలంగాణ - హైదరాబాద్
తారకరత్న మృతికి పట్ల సినినటులు స్పందిచారు. కుటుంబ సభ్యులకు ప్రగాఢ సానుభూతిని తెలిపారు.     తారకరత్న మృతి పట్ల మెగాస్టార్‌ చిరంజీవి దిగ్భ్రాంతి వ్యక్తంచేశారు. ఆయన మృతివార్త తనను ఎంతో కలచివేసిందన్నారు. చాలా ప్రతిభ ఉన్న నటుడుదని గుర్తుచేశారు. ఆయన కుటుంబ సభ్యులకు ప్రగాఢ సానుభూతి తెలిపారు.
       నటుడు మహేశ్‌ బాబు తీవ్ర దిగ్భ్రాంతి వ్యక్తం చేశాడు. సోదరా నీ అకాల మరణం నన్నెంతగానో బాధించింది. ఈ దుఃఖ సమయంలో నా ఆలోచనలన్నీ నీతోనే ఉన్నాయి. కుటుంబ సభ్యులకు ప్రగాఢ సానుభూతి తెలియజేస్తున్నా అని అన్నారు.
         తారకరత్న ఆత్మకు శాంతి చేకూరాలని జనసేన అధినేత, నటుడు పవన్‌ కల్యాణ్‌ అన్నారు. ఆయన మరణం చాలా బాధాకరమన్నారు. గత మూడు వారాలుగా బెంగళూరులోని ఆస్పత్రిలో చికిత్స పొందుతున్న తారకరత్న కోలుకుంటారని భావించాను. ఆయన నటుడిగా రాణిస్తూనే ప్రజా జీవితంలో ఉండాలనుకున్నారు. ఆ ఆశలు నెరవేకుండా తుదిశ్వాస విడవటం దురదృష్టకరం. ఆయన కుటుంబ సభ్యులకు ప్రగాఢ సానుభూతి తెలిపారు.