నవతెలంగాణ - హైదరాబాద్: తెలంగాణ రియల్‌ ఎస్టేట్‌ రెగ్యులేటరీ అథారిటీ (రెరా) బాధ్యతలను తాత్కాలికంగా సీఎస్‌ శాంతికుమారికి సర్కారు అప్పగించింది. శాశ్వత అథారిటీ ఏర్పాటయ్యే దాకా ఈ బాధ్యతలను సీఎస్‌ చూస్తారని పేర్కొంది. ఈ మేరకు తెలంగాణ రియల్‌ ఎస్టేట్‌ (నియమావళి అభివృద్ధి) చట్టం-2016ను అనుసరించి శాంతికుమారికి బాధ్యతలు అప్పగిస్తూ పురపాలక శాఖ ప్రత్యేక ప్రధాన కార్యదర్శి అర్వింద్‌కుమార్‌ శుక్రవారం నోటిఫికేషన్‌ జారీ చేశారు. శాశ్వత అథారిటీ ఏర్పాటులో భాగంగా చైర్మన్‌, ఇద్దరు సభ్యుల నియామకం కోసం నోటిఫికేషన్‌ జారీ చేసి, దరఖాస్తులను కూడా స్వీకరించిన విషయం విదితమే.
మీ స్నేహితులకు రికమెండ్ చెయ్యండి
