నవతెలంగాణ - బంగ్లాదేశ్
అంత‌ర్జాతీయ క్రికెట్‌లో బంగ్లాదేశ్ ఈ రోజు చ‌రిత్ర సృష్టించింది. సొంత గ‌డ్డ‌పై బెబ్బులిలా ఆడుతున్న ఆ జ‌ట్టు తొలిసారి ప‌ది వికెట్ల తేడాతో గెలుపొంది కొత్త రికార్డు క్రియేట్ చేసింది. ఐర్లాండ్‌పై మూడో వ‌న్డేలో 102 ప‌రుగుల టార్గెట్‌ను 13.1 ఓవ‌ర్ల‌లో వికెట్ కోల్పోకుండా ఛేదించింది. ర‌న్‌రేట్ ప‌రంగా చూస్తే.. వ‌న్డేల్లో బంగ్లాకు ఇదే మూడో అతిపెద్ద విజ‌యం. మొద‌ట బ్యాటింగ్ చేసిన ఐర్లాండ్ 101 ర‌న్స్‌కు ఆలౌటయ్యింది. బంగ్లా బౌల‌ర్ హ‌స‌న్ మ‌హమూద్ 5 వికెట్ల‌తో ఆ జ‌ట్టును దెబ్బ‌కొట్టాడు. స్వ‌ల్ప ల‌క్ష్య ఛేద‌న‌లో బంగ్లా ఓపెన‌ర్లు లిట్ట‌న్ దాస్‌(50), త‌మీమ్ ఇక్బాల్ (41) సిక్స్‌లు, ఫోర్ల‌తో ఐర్లాండ్ బౌలర్ల‌పై చెల‌రేగారు. దాంతో, 6.5 ఓవ‌ర్లు ఉండ‌గానే బంగ్లాదేశ్ మ్యాచ్ ముగించింది.