నవతెలంగాణ - హైదరాబాద్‌: బాలానగర్‌ పరిధిలోని  ఎర్రగడ్డ మెట్రో స్టేషన్‌ సమీపంలో నాలా పనుల దృష్ట్యా ట్రాఫిక్‌ను మళ్లించనున్నారు. ఏజీ కాలనీ నుంచి లక్ష్మీ కాంప్లెక్స్‌ వరకు 65వ జాతీయ రహదారి మీదుగా నాలా పనుల నిమిత్తం.. బాలానగర్‌ పరిసర ప్రాంతాల్లో ఈ నెల 28 నుంచి జూన్‌ 28 వరకు 90 రోజుల పాటు ట్రాఫిక్‌ మళ్లింపు ఉంటుందని సైబరాబాద్‌ పోలీసులు తెలిపారు. కూకట్‌పల్లి నుంచి అమీర్‌పేట, బేగంపేట వైపు, బాలానగర్‌ నుంచి కూకట్‌పల్లి  వై జంక్షన్‌ మీదుగా అమీర్‌పేట్‌ వైపు, మూసాపేట గూడ్స్‌ షెడ్‌ రోడ్డు నుంచి అమీర్‌పేట వైపు వచ్చే వాహనాలను మళ్లించనున్నట్లు బాలానగర్‌ ట్రాఫిక్‌ ఇన్‌స్పెక్టర్‌ నరహరి సోమవారం ఒక ప్రకటనలో పేర్కొన్నారు.