నవతెలంగాణ - హైదరాబాద్
మనుషుల సహజమైన జీవితాలను దృశ్యమానం చేసిన సినిమా బలగం. కమెడియన్ వేణు దర్శకుడిగా  రూపొందించిన తొలి చిత్రం పెద్దగా అంచనాలు లేకుండా వచ్చి అద్భుత విజయం సాధించింది. తెలంగాణ సంస్కృతి, పల్లెటూరి పచ్చదనాన్ని, మానవ బంధాలను వెండి తెరపై అద్భుతంగా ఆవిష్కరించిన తీరుకు ప్రేక్షకులు ఫిదా అయ్యారు. ప్రశంసల వర్షం కురిపిస్తున్నారు.
            ఈ చిత్రానికి ప్రశంసలతోపాటు అవార్డులూ వస్తున్నాయి. తాజాగా రెండు అంతర్జాతీయ అవార్డులు లాస్‌ ఏంజిల్స్‌ సినిమాటోగ్రఫీ అవార్డుల్లో బలగం సత్తా చాటింది. బెస్ట్‌ ఫీచర్‌ ఫిల్మ్‌, బెస్ట్‌ ఫీచర్‌ ఫిల్మ్‌ సినిమాటోగ్రఫీ కేటగిరీల్లో రెండు అవార్డులను గెలుచుకుంది. ప్రియదర్శి, కావ్య కళ్యాణ్‌రామ్ ప్రధాన పాత్రల్లో నటించిన ఈ సినిమాను దిల్‌రాజు ప్రొడక్షన్స్ బ్యానర్‌పై హర్షిత్‌ రెడ్డి, హన్షితా రెడ్డి నిర్మించారు. రెండు కోట్లతో తెరకెక్కిన ఈ సినిమా ఇప్పటివరకు రూ.20 కోట్లకు పైగా గ్రాస్‌ను కలెక్ట్‌ చేసింది.