నవతెలంగాణ - హైదరాబాద్
హైదరాబాద్ అభివృద్ధిపై తెలంగాణ డిజిటల్‌ మీడియా వింగ్‌ ‘హ్యాపెనింగ్‌ హైదరాబాద్ రీల్స్‌ కాంటెస్ట్‌’ నిర్వహిస్తోంది. ఈ తరుణంలో భారీగా ప్రైజ్ మనీ కూడా ప్రకటించింది. విజేతకు రూ.50,000, ఫస్ట్‌ రన్నరప్‌ రూ.25,000, సెకండ్‌ రన్నరప్‌ రూ.10,000, ముగ్గురికి కన్సొలేషన్‌ ప్రైజ్ రూ.5వేలు చొప్పున. ఇవ్వనున్నట్టు తెలంగాణ డిజిటల్‌ మీడియా ప్రకటించింది.
ఇందుకోసం మీరు చేయవలసిందల్లా మీరు ఎంతో ఇష్టపడే హైదరాబాద్‌లో గత తొమ్మిదేళ్లలో జరిగిన అభివృధ్ధికి అద్దంపట్టే దృశ్యాలను 60 సెకన్ల నిడివి మించకుండా (రీల్) వీడియో తీయాలి. ఆ వీడియోను @DigitalmediaTS ట్యాగ్‌తో సోషల్‌ మీడియాలో పోస్టు చేయాలి. ఆ తర్వాత వీడియో లింక్‌ను dir_dm@telangana.gov.inకు మెయిల్‌ చేయాలి. ఏప్రిల్‌ 30వ తేదీతో ఈ పోటీ ముగుస్తుంది. మరిన్ని వివరాల కోసం https://it.telangana.gov.in/contest/ లో చూడాలని తెలంగాణ డిజిటల్‌ మీడియా తెలిపింది.
