నవతెలంగాణ - హైదరాబాద్: కుత్బుల్లాపూర్, పెట్ బషీరాబాద్‎లో అర్ధరాత్రి రోడ్డు ప్రమాదాలు జరిగాయి. రెండు వేర్వేరు రోడ్డు ప్రమాదాలలో ముగ్గురు యువకులు దుర్మరణం చెందారు. కొంపల్లి నుండి మేడ్చల్ వైపు వెళ్తున్న కారు అర్థరాత్రి 3గంటల ప్రాంతంలో అతి వేగంతో దూసుకువెళ్లి ఆగివున్న లారీని వెనక నుండి ఢీ కొట్టింది. ఈ ప్రమాదంలో ఇద్దరు యువకులు అక్కడికక్కడే మృతి చెందారు. సమాచారం అందుకున్న పోలీసులుః ఘటన స్థలానికి చేరుకుని పరిశీలించారు. కేసు నమోదు చేసుకుని దర్యాప్తు చేస్తున్నారు. ఈ ప్రమాదానికి కారణం అతివేగమే అని పోలీసులు భావిస్తున్నారు. పోస్ట్ మార్టం నిమిత్తం మృతదేహాలను గాంధీ ఆసుపత్రికి తరలించారు పోలీసులు. ఈ ఘటనపై ఇంకా పూర్తి వివరాలు తెలియాల్సివుంది. కాగా, మరో ప్రమాదంలో.. దూలపల్లి నుండి బహదూర్‎పల్లికి బైక్‎పై వెళ్తున్న సుశ్వంత్ నాయక్ (23)ని ఎదురుగా వచ్చి కారు ఢీ కొట్టింది. ఈ ప్రమాదంలో నాయక్ అక్కడికక్కడే దుర్మరణం చెందారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. ఎంఆర్సీఈటీ ఇంజనీరింగ్ కళాశాలలో బీటెక్ నాలుగవ సంవత్సరం చదువతున్న సుశ్వంత్ నాయక్‎గా పోలీసులు గుర్తించారు.