నవతెలంగాణ-హైదరాబాద్‌: ఎస్సై, ఏఎస్సై స్థాయి తుది రాతపరీక్షల ఆబ్జెక్టివ్‌ ప్రశ్నపత్రాల ప్రాథమిక కీని బుధవారం తెలంగాణ రాష్ట్రస్థాయి పోలీస్‌ నియామక మండలి విడుదల చేసింది. మార్చి 11న నిర్వహించిన ఐటీ అండ్‌ కమ్యూనికేషన్స్‌, ఫింగర్‌ప్రింట్‌ బ్యూరో ఏఎస్సై.. 26న జరిగిన పీటీవో ఎస్సై.. ఏప్రిల్‌ 8న జరిగిన అర్థమెటిక్‌ అండ్‌ టెస్ట్‌ ఆఫ్‌ రీజనింగ్‌/మెంటల్‌ ఎబిలిటీ.. 9న జరిగిన జనరల్‌ స్టడీస్‌ ఆబ్జెక్టివ్‌ ప్రశ్నపత్రాల కీని విడుదల చేసింది. వీటిని www.tslprb.in వెబ్‌సైట్‌లో గురువారం అందుబాటులో ఉంచనున్నట్లు మండలి ఛైర్మన్‌ వి.వి.శ్రీనివాసరావు వెల్లడించారు. కీపై అభ్యంతరాలుంటే ఈ నెల 14న సాయంత్రం 5 గంటల్లోపు వెబ్‌సైట్‌లో నమోదు చేయాలని సూచించారు.