- 7.33 సెంటీమీటర్ల వర్షపాతం నమోదు
- పలుజిల్లాల్లో మోస్తరు వానలు
నవతెలంగాణ బ్యూరో-హైదరాబాద్‌
            రాష్ట్రంలో మంగళవారం భారీ నుంచి మోస్తరు వర్షం పడింది. మహబూబ్‌నగర్‌ జిల్లా దేవరకద్రలో భారీ వర్షం కురిసింది. అక్కడ 7.33 సెంటీమీటర్ల వర్షపాతం నమోదైంది. వికారాబాద్‌, నారాయణపేట, మహబూబ్‌నగర్‌, నిజామాబాద్‌, వనపర్తి జిల్లాల్లో చాలా ప్రాంతాల్లో మోస్తరు వానలు పడ్డాయి. రాబోయే మూడు రోజుల్లో రాష్ట్రంలో తేలిక పాటి నుంచి మోస్తరు వర్షాలు కురిసే అవకాశం ఉందని హైదరాబాద్‌ వాతావరణ కేంద్రం ప్రధాన అధికారి కె.నాగరత్న తెలిపారు. అక్కడక్కడా ఉరుములు, మెరుపులతో కూడిన వర్షంతో పాటు 30 నుంచి 40 కిలోమీటర్ల వేగంతో గాలులు వీచే అవకాశముందని పేర్కొన్నారు. నైరుతి రుతుపవనాలు దక్షిణబంగాళాఖాతం, అండమాన్‌ సముద్రం, అండమాన్‌ నికోబార్‌ దీవుల్లోని అన్ని ప్రాంతాల్లోకి, తూర్పు, మధ్య బంగాళాఖాతంలోని కొన్ని ప్రాంతాల్లోకి రెండు, మూడు రోజుల్లో విస్తరించనున్నాయి.
అత్యధిక వర్షపాతం నమోదైన ప్రాంతాలు
దేవరకద్ర(మహబూబ్‌నగర్‌) 7.33 సెంటీమీటర్లు
దోమ(వికారాబాద్‌) 4.83 సెంటీమీటర్లు
కృష్ణా(నారాయణపేట) 4.60 సెంటీమీటర్లు
మాచేపల్లి(మహబూబ్‌నగర్‌) 3.75 సెంటీమీటర్లు
మరికల్‌(నారాయణపేట) 3.40 సెంటీమీటర్లు
అత్యధిక ఉష్ణోగ్రతలు నమోదైన ప్రాంతాలు
జమ్మికుంట(కరీంనగర్‌) 42.8 డిగ్రీలు
కొత్తగట్టు(కరీంనగర్‌) 42.7 డిగ్రీలు
ఆదిలాబాద్‌టౌన్‌ 42.6 డిగ్రీలు
భోరజ్‌(ఆదిలాబాద్‌) 42.6 డిగ్రీలు
గోడూరు(జగిత్యాల) 42.5 డిగ్రీలు